日喀则市综合新闻门户网站

《རྒྱ་བོད་གློག་བརྙན་དང་བརྙན་འཕྲིན་གྱི་མིང་མཛོད》པར་དུ་བསྐྲུན་པ།

2016-05-10 16:28:00ཀྲུང་གོའི་བོད་ཀྱི་དྲ་བ།

关键词:རྒྱ་བོད།;གློག་བརྙན།;མིང་མཛོད།;པར་སྐྲུན།

ཀན་སུའུ་མི་རིགས་དཔེ་སྐྲུན་ཁང་གིས《རྒྱ་བོད་གློག་བརྙན་དང་བརྙན་འཕྲིན་གྱི་མིང་མཛོད》ཅེས་པའི་དཔེ་དེབ་པར་ད...

ཉེ་སྔོན། ཀན་སུའུ་མི་རིགས་དཔེ་སྐྲུན་ཁང་གིས《རྒྱ་བོད་གློག་བརྙན་དང་བརྙན་འཕྲིན་གྱི་མིང་མཛོད》ཅེས་པའི་དཔེ་དེབ་པར་དུ་བསྐྲུན།

                                                                 《རྒྱ་བོད་གློག་བརྙན་དང་བརྙན་འཕྲིན་གྱི་མིང་མཛོད》།
རྒྱ་བོད་གློག་བརྙན་དང་བརྙན་འཕྲིན་གྱི་མིང་མཛོད་སྒྲིག་སྒྱུར་བྱེད་པ་ནི་རྒྱ་ཆེ་ལ་རྙོག་དྲ་ཆེ་ཞིང་དཀའ་ཁག་ལྡན་པའི་མ་ལག་འཛུགས་སྐྲུན་ཤིན་ཏུ་ཆེན་པོ་ཞིག་ཡིན། མིང་མཛོད་འདི་ནི་འདིའི་ཐད་ལ་ནུས་ཤུགས་ཕུལ་བའི་ཚོད་ལྟ་ཐེངས་དང་པོ་དེ་ཡིན་ཞིང་ཐ་སྙད་གསར་བ་དག་བོད་ཡིག་ཏུ་བསྒྱུར་ཡོད་ལ། ཐ་སྙད་འདེམ་སྒྲིག་དང་ཡིག་སྒྱུར་བྱེད་དུས་མགོ་མཇུག་བར་གསུམ་ནན་ཏན་དང་ཞིབ་ཚགས་བྱས་ཡོད་དེ། དཔེར་ན། རྒྱུན་བཀོལ་སྐོར་ལ་དོ་སྣང་བྱས་ཏེ་བཀོལ་སྤྱོད་རང་བཞིན་ལྡན་པ་དང་། ཆེད་ལས་རང་བཞིན་ལ་དམིགས་ཏེ་གློག་བརྙན་གཞུང་ལུགས་དང་གློག་བརྙན་གྱི་རིགས་དང་གྲུབ་མཐའ། གློག་བརྙན་འཁྲབ་གཞུང་རྩོམ་སྒྲིག གློག་བརྙན་འཁྲབ་ཁྲིད། གློག་བརྙན་མཛེས་རྩལ། གློག་བརྙན་གཞུང་ལུགས་དང་སྒྲིག་བཟོ། རྒྱུད་སྒྲོག་སོགས་སུ་དགར་ནས་ཚན་རིག་རང་བཞིན་འབུར་དུ་ཐོན་པར་བྱས་ཡོད། དེ་བས་མིང་མཛོད་འདི་ནི་བཀོལ་སྤྱོད་རང་བཞིན་དང་ཚན་རིག་རང་བཞིན་བདག་ཉིད་ཅན་གྱི་མིང་མཛོད་ཅིག་རེད་ཅེ་ན་ཡང་མི་ཆོག་རྒྱུ་ཅི་ཡང་མེད། ལྷག་པར་དུ་མིང་མཛོད་འདིར་རྒྱུན་སྤྱོད་ཐ་སྙད་སྐོར་ཞིག་ཟུར་བཀོད་ཀྱི་ཚུལ་དུ་དེབ་མཇུག་ཏུ་བཀོད་པ་འདིས་ལས་ཀ་འདི་སྒྲུབ་བཞིན་པའི་ཆེད་ལས་མི་སྣ་རྣམས་ལ་ཅི་ནུས་ཀྱིས་སྟབས་བདེའི་མཐུན་རྐྱེན་བསྐྲུན་ཡོད།
 མིང་མཛོད་འདི་ནི་སྣ་འཛོམས་ཅན་གྱི་རྒྱ་བོད་གློག་བརྙན་དང་བརྙན་འཕྲིན་གྱི་མིང་མཛོད་ཅིག་ཡིན། དེབ་འདི་པར་དུ་བསྐྲུན་པ་ནི་བོད་སྐད་རྒྱང་སྒྲོག་བརྙན་འཕྲིན་དང་གློག་བརྙན་གྱི་ལས་དོན་ལ་དགའ་བའི་མི་དང་ལས་ཁུངས་དག་ལ་མཚོན་ན་འདི་ནི་གཏམ་བཟང་ཞིག་རེད། རྒྱུ་མཚན་ནི་མིང་མཛོད་འདིས་བོད་སྐད་ཀྱི་རྒྱང་སྒྲོག་བརྙན་འཕྲིན་དང་གློག་བརྙན་གྱི་མིང་བརྡ་གཅིག་གྱུར་རམ་ཚད་ལྡན་ཅན་གྱི་ཕྱོགས་སུ་གོམ་པ་དང་པོ་སྤོས་ཟིན་པ་མཚོན་ཡོད། མིང་མཛོད་འདིས་ད་དུང་མིག་སྔར་རྒྱ་བོད་བརྙན་འཕྲིན་དང་གློག་བརྙན་མིང་མཛོད་མེད་པའི་སྟོང་ཆ་དེ་ཡོངས་སུ་བསྐངས་ཡོད། 
(མ་ཡིག་འཚོལ་བཤེར།)

责任编辑:彭超
相关新闻
网友评论

日喀则网站联盟

友情链接

涉藏网站

中共日喀则市委宣传部主管    日喀则市互联网信息办公室主办    藏ICP备12000035号

网络违法举报>  网络违法举报